Tum Bhi Khafa Ho Log Bhi Beraham Hain Dosto!!!


Tum Bhi Khafa Ho Log Bhi Beraham Hain Dosto,
Ab Ho Chala Yaqeen Ke Buray Hum Hain Dosto,

Kis Ko Hamray Haal Se Nisbat Hay Kya Karain,
Ankhain To Dushmano Ki Bhi Purnam Hain Dosto,

Apne Siva Hamray Na Hony Ka Ghum Kesy,
Apni Talash Main To Hum Hi Hum Hain Dosto,

Kuch Aaj Shaam Hi Se Hay Dil Bhi Bujha Bujha,
Kuch Shahar Ke Chirag Bhi Madhum Hain Dosto,

Is Shahar-E-Aarzoo Se Bhi Bahar Nikal Chalo,
Ab Dil Ki Raunaqain Bhi Koi Dum Hain Dosto,

Sab Kuch Sahi 'Faraz' Per Itna Zarur Hay,
Dunya Main Esay Log Boht Kam Hain Dosto...

Ahmed Faraz











Gorgeous Comment Graphic

No comments:

Post a Comment

More Shayari